Huntu ku "Fonds voor Cultuur Participatie" di Hulanda, nos lo bai trese dia 7 di Januari 2024 un tremendo musikal na Kòrsou. Ku e musikal aki nos lo pone énfasis riba e periodo di komèrsio di katibu ku tabata tin na Kòrsou

​

Promé ku e gran musikal aki, nos lo òrganosá workshopnan pa e grupo di hendenan ku nos lo reklutá pa ku e evento aki. Durante di e workshopnan aki. nos lo trese e historia di e tempu ei jamá "Antias" na kla,

kuminsando for di e deskubrimntu di e tres islanan Aruba, Bonairu i Kòrsou. Pues e tempu kaminda indjan nan tabata habitá nos tera, te ku 10-10-10 na momentu ku Antias a stòp di eksistí. Nos lo pone énfasis riba e periodo di komèrsio di katibu ku tabata tin na e tres islanan aki, i e heroe balente di e tempu ei, "Tula" ku a bringa pa nan libertat i a pèrdè su bida durante di e lucha pa logra esaki. E trajekto aki lo kulminá ku un tremendo musikal, kaminda un orkesta, baile , kanto i aktuashon lo ta sentral den esaki.

Entrada di e evento aki lo ta pòrnada. Nos ta kere ku tur hende mester tin akseso pa eksperensia e evento aki.

​

Lokalidat di e evento lo ta na: Sentro Di Desaroyo Integral Israel Leito.

Portanan lo wòrdu habrí for di 18:30 Pa 19:00 e aktividat por kuminsa