Huntu ku "Fonds voor Cultuur Participatie" di Hulanda, nos lo bai trese dia 7 di Januari 2024 un tremendo musikal na Kòrsou. Ku e musikal aki nos lo pone énfasis riba e periodo di komèrsio di katibu ku tabata tin na Kòrsou
Promé ku e gran musikal aki, nos lo òrganisá workshopnan pa e grupo di hendenan ku nos lo reklutá pa ku e evento aki. Durante di e workshopnan aki. nos lo trese e historia di e tempu ei yamá "Antias" na kla,
kuminsando for di e deskubrimntu di e tres islanan Aruba, Boneiru i Kòrsou. Pues e tempu kaminda indjan nan tabata habitá nos tera, te ku 10-10-10 na momentu ku Antias a stòp di eksistí. Nos lo pone énfasis riba e periodo di komèrsio di katibu ku tabata tin na e tres islanan aki, i e héroe balente di e tempu ei, "Tula" ku a bringa pa nan libertat i a pèrdè su bida durante di e lucha pa logra esaki. E trajekto aki lo kulminá ku un tremendo musikal, kaminda un orkesta, baile , kanto i aktuashon lo ta sentral den esaki.
Entrada di e evento aki lo ta pòrnada. Nos ta kere ku tur hende mester tin akseso pa eksperensia e evento aki.
Lokalidat di e evento lo ta na: Sentro Di Desaroyo Integral Israel Leito. Barbadosweg 11
Portanan lo wòrdu habrí for di 16:30 Pa 17:00 e aktividat por kuminsá
E musikal ta konsisti di aktuashon, baile, musika i kanto. E historia di e drama ta un kreashon di e eskritor Henk Concincion. E idea ta pa e artistanan ku wòrdu skohé pa aktua, nan mes lo amplia e drama mas tantu. E kansionnan ku esepshon di mi soño, tur ta komposishon di Henk Concincion. Algun di e areglonan ta di Kenneth Mambre i tambe Henk Concincion.
Entrada di e musikal lo ta pòrnada. Pero lo ta bai tin Karchi disponibel. Esun enkargá ku partimentu di e karchinan lo ta Narian Bruno. Su number di telefòn ta +5999 5251715
Nos team
Solange Concincion / Simon.
Direktora di e empresa Soliart. Artista di artenan traha ku man.
Eskritora di boekinan pa mucha.
Henk Concincion.
Kompositor, kantante, musikante, areglista, eskritor i diseñado grafiko.
Swubert Concincion.
kantante, Bedrijfsadviseur,
Leraar Bedrijfseconomie,
Pedagogische Didactische Coach
Sharlon Beaumont
Direktor di Bob Multimedia Production, diseñado di pagina pa website, musikante, areglista i kompostor
Lisa Beaumont.
E projekto “ Ta mi ta Korsou “ a wòrdu skibí ku e meta pa amplia konosementu tokante e periodo di komèrsio di katibu na Kòrsou. E projekto aki ta di sumo importancia pa komunidat di Kòrsou pasombra e akontesimentu nan berdadero di e héroe tula a siña nos ku nos no ta mará mas na sklabitut, ma ku nos ta librá di esaki pa semper. E mentalidat di katibu mester kambia bira un mentalidat di "nos mes por" i mara nos huntu a base di e filosofia di bida skibi pa Ubuntu: "Mi ta, paso nos ta". Nos intenshon ta pa mediante di e projekto aki, nos alkansá tur e lokualnan ariba menshoná. Solistanan ku lo presentá e dia aki lo ta entre otro: Swubert Concincion, Reinier lijfrock, Enjoli Cominencia, Mourien Keyzer for di kual Swubert Concincion lo ta e kantante prinsipal. Lo bai tin un orkesta ku lo bai wòrdu dirigí pa Sharlon Beaumont i su kasá Lisa Beaumont lo ta enkargá ku direkshon di e drama. Musikonan ku lo presentá e dia aki lo ta: Pianista: Eliezer Paulina. Basista: Johnrick Precilia. Drummer/Timbal: Jowi De Jongh. Kongero: John Maitre. Wiri/Chapi: Evangelo phelipa. Guitarista: Edward Silberie. Keyboard: Jeansly Martina. Trumpet 1: Churandy La Cruz. Trumpet 2: Randal Pinedo. Trumpet 3: Aldreen Cornelia. Alt Sax: Clifton Dall. Tenor Sax: Tico Mercera. Trombone 1: Dennis Aalse. Koristanan: Anjouska Rijsdijk, Julisa Doran, Curly Molina, Stephen Manuel.
Aktor i aktris nan ku lo aktua den e evento aki lo ta: Germain Jansen, Alrich, Queenischa Bruno ,Jaden Bregita, Rozjently Stephens, Emeesha Raphaela,
Marvino de Meza, Prince Janzen, Jeanu Gefferie
Elton Sint Jago, Ellis Hooi, Jaymiree, Claudette Filipie-Maduro, Emeesha Raphaela, Queenischa, Jaden Bregita, Rozjently Stephens, Marvino de Meza